Moderatorja Marsela Karapanço, e cila ndodhet në Turqi, ka folur në një lidhje me Skype për Panorama TV, për situatën e shkaktuar nga tërmeti i ditës së djeshme.
Sipas Karapanços numri i viktimave i ka arritur 4900 sipas përditësimit të fundit në dy vendet e prekura.
Po ashtu ajo thekson se vijojnë kërkimet për gjetjen e trupave.
“Vijon të rritet numri i viktimave. Pak çaste më parë u konfirmuan 4900 viktimave dhe më shumë se 20 mijë persona janë plagosur në Turqi dhe Siri.
Shërbimet e emergjencës kanë punuar gjatë gjithë natës, edhe pse kushtet atmosferike kanë qenë kundër tyre.
Ka vijuar puna për shpëtimin e personave nën rrënonja, janë shpëtuar qindra persona, ku vlen të theksohet se janë shpëtuar edhe disa fëmijë.
Komuniteti Ndërkombëtar është solidarizuar me fatkeqësinë që i ka ndodhur Turqisë dhe ka dërguar edhe ndihmat e para.
Ndihma janë çuar drejt lindjes së Turqisë. Raportimet nga mediat lokale flasin për një angazhim të autoriteteve për të iu ardhur ndihmë banorëve të prekur nga kjo fatkeqësi”, tha Karapanço.